因病切除雙腿的76歲郭婆婆，靠一部電動輪椅走天涯，每日在沙田區內執紙皮「搵食」。由於所住公屋的鐵窗早前因天雨滲水，弄壞了電器，她又苦無餘錢更換。蘋果日報慈善基金即時撥款3,500元助她安裝鋁窗，同時也收到讀者送贈電器給她。對於各界的關懷，郭婆婆感動不已。
打風落雨也不再擔驚受怕的郭婆婆，上月底獲基金撥款安裝鋁窗後，她坦言不再憂心風雨來臨，「以前一落大雨，就要嗱嗱聲擒高拉塊膠板，就算拉埋晒都好疏罅，啲雨都會撇入嚟。有次仲差啲連人帶膠板跌落街，好彩及時有街坊幫手拉住。」
對於眼前煥然一新的鋁窗，郭婆婆稱既方便又穩陣，她笑不攏嘴地說：「真係打風都打唔甩。」
讀者送贈雪櫃洗衣機
至於早前受雨水侵襲而水浸的廚房，郭婆婆大歎損失慘重，用作冷藏食物的雪櫃也壞掉。由於沒錢添置雪櫃，郭婆婆其後得到一名收賣佬同情，轉贈一部二手雪櫃，可是舊機毛病多多。「佢送畀我都唔可以要求咁多，求其有得用就算，不過就唔係好夠凍，有時都唔敢一次過買咁多餸番嚟！」
郭婆婆一向有腰骨及關節痛楚，需定時服藥止痛，雪櫃除用作存放食物外，還用來保存藥物，收賣佬轉贈的雪櫃如同「廢了一半武功」，令她日常十分不便。自本報暖流版報道郭婆婆的苦況後，善長們深表同情，其中讀者何先生選購了一部小型雪櫃轉贈給她，新雪櫃已送到她家中，另外蘇小姐代表其公司送贈一部洗衣機給郭婆婆，目前在安排中。
收到新雪櫃，郭婆婆高興地說：「部雪櫃好夠凍，間格好實用。以前唔敢買咁多餸，就住就住嚟買，𠵱家就唔使考慮咁多。」郭婆婆對讀者的關心，十分感激。訪問結束後，郭婆婆又匆匆落街繼續其執紙皮的生涯。為了幫補生計，她坦言不敢怠慢。
捐款編號：C2178