想東山復出嘅前超音速球星桑甘保，喺啱啱過去嘅周日參加咗超音速40周年慶典，並且獲球迷選為該隊史上16位最佳球員之一，當然係開心事。不過呢位37歲嘅老將透露，NBA冇人要佢，所以下個月會去意大利羅馬搵食，但佢仍然希望有朝一日返嚟NBA，仲話希望贏冠軍指環㖭！但以佢咁嘅年紀同狀態，想吓好喇！