「我1987年喺台中東海大學畢業後，啲人一見到係香港人唔識講台語就唔請，結果我喺台中寄咗十幾封求職信都音信全無。後來嚟咗台北先至冇咁歧視，喺會計師事務所由一個月11,000蚊新台幣做起，一直喺台北工作到𠵱家。」
「民進黨太過提倡種族對立啦，佢哋乜嘢後果都可以唔理，只要嗰幾個人名留青史就得，咁樣太唔負責任啦。香港政治好簡單，但台灣就出乎意料地對立，阿扁將中正機場改名桃園機場，偷偷摸摸咁喺本護照度加上台灣字樣，甚至想連華航個名都改埋，不斷喺度去中國化。」
「陳水扁唔敢擔當，佢被起訴已經有瑕疵，唔再適合當總統，但喺台灣民風溫馴，尤其係台北嘅民眾，示威完就乖乖返屋企，所以對陳水扁影響唔大，我對於佢提早落台並唔樂觀。」
採訪：蔡志郁 攝影：李家皓