美國中期選舉結果今日揭盅，總統喬治布殊事前大打經濟牌，強調花旗國自03年以來新增了660萬個職位，加上透過減稅措施還富於民，現時股市又節節上揚，高呼經濟「好到不得了」。
不過，有分析師潑冷水，指美國經濟雖然連續5年擴張，但未能提升家庭收入，中產階級要應付愈來愈高的醫療開支、教育費和物業稅款。布殊吹噓的經濟成果，未必瞞得過選民雪亮的眼睛。
喺《MSN討論區》，網友gonegolfing問：經濟專家拉比尼接受CNBC訪問時話過，美國經濟好差，無論邊個政黨贏得中期選舉，出年經濟肯定會陷入衰退。究竟係真唔係？
Herring說：「美國樓市現時搖搖欲墜，會打擊明年消費開支；由於該國經濟主要由消費帶動，經濟衰退將在所難免。」
樓市若跌 衰退難免
不過，AlanS.另有見解，佢話：「拉比尼嘅意思係：共和黨同在野民主黨都缺乏管治經濟嘅人才，令選民冇乜好選擇，所以無論邊個黨喺中期選舉中勝出，美國經濟都難有好日子過。」
theCatchis就發表陰謀論，話拉比尼唱淡美國經濟，肯定係別有用心──佢可能已經大舉沽空股票期貨，所以希望股市冧，咁樣佢就袋袋平安。