少林寺有18銅人，廣州𠵱家就有12銅頭！噚日京信通信邀請傳媒參觀廣州科學城嘅新總部，帶隊嘅係啱啱攞咗「香港CEO年獎」嘅主席霍東齡。總部內藏12座世界知名無線電子科學家嘅青銅頭像，包括東爺恩師馮秉銓。
馮秉銓（1910-1980）43年喺哈佛大學畢業，係廣州華南理工學院副院長，亦係東爺大學時嘅老師，當年，「南馮北孟」係殿堂級大師，「南馮」正係馮老師；「北孟」就係中國實驗物理科學家及電子學家孟超英。
東爺話，銅像可以提升公司形象，亦有鼓勵作用。12個銅像由同事投票選出，包括美國電報發明人莫爾斯、電話發明人貝爾，同埋俄羅斯物理學家波波夫等。
計華華話，京信應該搞團畀學生參觀，激發更多年輕人投身呢行，為祖國添多啲高科技生力軍！