出咗新碟嘅克勤，今個月尾結婚，但仍然努力出嚟宣傳，不過大家嘅注意力都去咗佢嘅婚禮，連未來外父外母都俾狗仔隊跟埋，克勤話：「我好擔心，呢兩日雜誌應該會寫我女朋友大肚嘅消息，仲問埋雙方家長。我好傳統、好有秩序，可能我哋少出街，佢哋影唔到我哋做乜囉！」問佢盧淑儀有冇唔高興，克勤話：「一言難盡，總之帶來不便。平時陳小春噏嘢，講晒藝人心聲，我哋冇吉士，睇到好開心。」