周中除了德甲開快車外，尚有不少盃賽場合；其中意大利盃16強賽事，剛於聯賽失意的AC米蘭和里賈納，有望反底，首回合主場贏波，球迷趁早買冇壞。
AC米蘭周日作客輸畀阿特蘭大，距離榜首雙雄國米同巴勒莫已達17分，爭標真係相當渺茫；以AC咁嘅班費，點都要攞番啲盃賽交代吓；AC喺歐冠盃已9成機會出線，可以放心打意大利盃，或者有球迷擔心，AC派副選出戰，不過以哥古夫、邦利拿、波里路等後備兵，年輕又當打，都唔差得過施多夫、卡富、恩沙基好多啫。降落乙組都冇咩起色嘅布雷西亞，上季交手，AC都輕鬆贏3:1，今次贏兩球或以上完全冇問題，讓球主客和捧「主勝」。
里賈納上周六主場輸畀卡坦尼亞，爆得幾甘；其實卡坦尼亞雖然新升班，打法就非常硬淨，里賈納輸波都無話可說；今次里賈納再次主場出擊，對手基爾禾仍然未有特別起色，以里賈納聯賽主場5戰贏咗3場，今次贏波無難度，2.15倍主W可早捧。
巴塞「餓勝」必大殺巴達
最後追多次巴塞隆拿，呢隊波已經兩場冇贏，今次對丙組仔巴達隆拿，有大屠殺feel，單注主其他啦。