恒指升到嘭嘭聲，10月27日仲突破18465點創下6年新高，急速向19000點進發。不過，恒指大升日日都係由中移動（941）帶動，由60蚊直上66個半，幾乎天天創6年新高。
在《香港討論區》內，網友jackbequick認為，恒指從今以後應該易名為「中移單挑指數」，以反映中移動的威力。OJ9628揶揄這是「中國人的驕傲，一隻能頂全部指數股」。
芝芝吉就擔心恒指只由中移動帶動，會成為國際大笑話。Joemapy話咁樣真係笑死人：「香港仲係金融中心？監管之無能，貽笑大方，真係仲改咩計算方法，真係叫『中移指數』好了，都代表唔到真實嘅情況。」Nightfiber就提議，恒指不如叫「中移電話殺熊指數」。
不過，卻有網友對中移動繼續做主導大表支持。paullock稱：「如果中移動去到$80，恒指可去到21000點」；科拿仔回應更見抵死：「如果13（和黃）放棄3G，可以上埋25000點。」