鄭中基（中）打算自編自導自演開戲，新戲《心想事成》月底就開拍，準備喺賀歲檔上。除咗擔綱演出外，仲搵埋影帝梁家輝、毛舜筠，仲有《美女廚房》兩位拍檔方力申（左）同梁漢文（右），加埋女廚神蘇玉華㖭。中基話：「另外唔少得兩個搞笑老友谷德昭同張達明。劇本我落足心機籌備咗一排，主要係講我哋成班人穿梭天庭同凡間，有啲就要位列仙班喇。」