話明刀仔鋸大樹，今期就以3場波膽作推介，頭關揀明晚深夜西班牙盃維拉利爾主場大勝乙組仔卡斯廸隆4:1，拖德甲法蘭克福贏科特布斯，同埋巴勒莫喺意大利盃再贏森多利亞，每場嘅勝出賠率都有10倍以上，全中都咪話唔甘呀！
維拉利爾經常令捧場客飽嘗驚風散，好似佢哋星期日對住貝廸斯，竟然兩度落後下反勝，真係抹咗一額汗，不過佢哋正穩步上揚，今次西盃對乙組仔卡斯廸隆，穩面甚高，而且卡斯廸隆正處西乙下游，就佢哋算贏到維拉利爾晉級，在冠軍之路當中強手如雲，出局係遲早嘅事，試問佢哋仲邊有心情爭西盃呢？顧掂聯賽先係最重要。不過考慮到「黃色潛艇」攻力夠但後防不時有漏洞，失球在所難免。
法蘭克福串森多齊W
至於法蘭克福方面，啱啱聯賽贏咗慕遜加柏，今次雖然要作客科特布斯，不過睇番佢哋今季嘅作客成績其實唔差，只係輸過俾實力超班嘅拜仁慕尼黑，所以今次面對科特布斯有一定嘅爆冷「潛力」。
巴勒莫今季係4大聯賽嘅「奇兵」，佢哋行軍暢順，贏過AC米蘭同費倫天拿，而且啱啱又贏今次意盃對手森多利亞2:0，今次4日內遇上同一對手，一於追多次巴勒莫「冧莊」贏2:0。文：賴恩