中國花式滑冰組合趙宏博同申雪（圖）呢對世界冠軍已經合作咗14年，但近日佢哋對於退役同結婚問題就有分歧。趙宏博話考慮07年世錦賽之後退休，打算同申雪拉埋天窗；但申雪就話自己仲後生，希望繼續滑落去，仲話同趙宏博只係好朋友，未去到結婚階段喎。唔通佢兩個近排嗌大交，所以口徑不一？