劉德華前晚於灣仔會展舉行音樂會，與性感女舞蹈員跳舞時，摸髀、掃胸和打屁股，場面香艷。事後華仔表示對方是正經女仔，不讓他碰，掃胸只屬借位。
劉德華前晚於灣仔會展舉行「Voiceofbaleno10thanniversaryAndyLau劉德華音樂會」，以回顧過去10年作音樂會主題，獻唱多首經典歌。他以上海灘許文強造型出場，唱《Laura》時與低胸女舞蹈員跳舞，攬腰摸大髀兼夾腳掃背，還以手由女舞蹈員的頸項掃到肚皮，當掃落胸部時，現場觀眾隨即大叫，後來他欲示意觀眾拍掌鼓勵，竟拍了女舞蹈員的屁股兩下。
「佢唔畀我掂」
事後華仔說：「double位嚟㗎，掂唔到㗎，佢唔畀我掂，佢係正經人家嚟，排舞時我哋都度過掂唔掂好，睇住塊鏡覺得似就得啦，咪借位囉！」
華仔除找來S.H.E任表演嘉賓，又請了張德蘭唱《情義兩心堅》，華仔獻花給她，並帶領全場觀眾唱生日歌給本周五生日的張德蘭，令她感動流淚，現場播放二人在80年代一個中秋晚會上合唱的片段，華仔說：「個髮型係何B（何守信）嘅御用髮型師幫我整㗎。」
韓星崔始源、陳煒及胡定欣等前晚都有捧場，林建岳則在中場趕到，台上的華仔見他即說：「當我事業同做生意遇問題時，遇到你，林建岳先生，佢令我知道乜叫做朋友，所以我寫呢首歌《心照》。」台下的林建岳即拱手回敬。
嬲克勤瞞婚期
華仔其後感觸謂做歌迷不易，他說：「好多時人哋問你嘅偶像係邊個，你話係劉德華，啲人話『唔係啩』，唔使理佢，即管講我偶像係劉德華，因為我認為我係好值得你哋支持嘅藝人。」他又即席拉票謂：「投我劉德華啦，我唔記得編號，啲頒獎禮都有投票。」
談到李克勤將於11月28日結婚，身為伴郎的華仔說：「佢話講咗畀10個好朋友知，我要怪佢點解我唔知，竟然被蒙在鼓裏。我11月底要返內地拍戲，到時飛返嚟囉！」華仔表示欲於明年聖誕舉行紅館個唱，若申請不到場地就改在08新年舉行。
採訪：李珮洳 攝影：林德雄
