胡杏兒（憑《流金歲月》奪02年飛躍進步女藝員）：「男仔我揀《肥田囍事》嘅馬國明，佢好用心，整體表現好好。女仔我會揀《肥田》嘅李詩韻，相比我當年同佢差唔多年資時，佢叻過我好多。」
林峯（憑《律政新人王》奪03年飛躍進步男藝員）：「男嘅會揀謝天華，佢真係演得好出色，角色（賤Man）非常適合佢。女仔會揀《肥田囍事》嘅李詩韻，佢今年進步好大。」
黃宗澤（憑《我的野蠻奶奶》奪05年飛躍進步男藝員）：「係《法證先鋒》曹永廉，表現好。馬國明都OK㗎，佢係好勤力嘅演員。女仔會揀鍾嘉欣，睇得出落過好多苦功。」
周麗淇（憑《秀才遇着兵》奪05年飛躍進步女藝員）：「我覺得係鍾嘉欣，佢好有觀眾緣，睇落幾舒服。男嘅我諗係黃德斌啦，佢今年一套《火舞黃沙》彈起，幾突破。」