剛過去周六、日歐洲4大聯賽爆到七彩，買強隊嘅球迷應該都輸鑊甘，估唔到除咗車路士、阿仙奴同皇家馬德里贏唔到之外，連「首名入球」都爆啲冷嘢出嚟，好似熱刺對車路士嗰場，就爆咗41倍嘅馬基列尼，而羅馬對費倫天拿都爆41倍嘅烏化奴斯，呢排啲波咁冷，點賭先？
賭錢真係要信邪
我求大俠不嬲都覺得賭仔鍾意拗頸，見頭場阿仙奴啱啱輸完畀韋斯咸，夜場嗰啲熱門隊AC米蘭、格拉斯哥流浪、車路士同皇馬仲有得輸？死唔信邪嘅波友仲唔嗱嗱臨重槌追熱W？結果梗係衰到尾，一啲翻身機會都唔畀。
鍾意玩「首球」嘅球迷仲慘，好似車仔作客熱刺場英超聯，近期「弗」到震嘅杜奧巴踢到冇影，由平時都唔會射門嘅馬基列尼，離門30碼整球世界波出嚟，爆出41倍「首球」，堪稱經典！嗰邊國際米蘭對阿斯科利場意甲又係，前鋒基斯普同伊巴冇料到，俾隊長辛尼廸門前執雞，開23倍「首球」不突止，最慘呢球係佢4年幾嚟嘅入球嘛，真係10年唔逢一潤，一爆就連環爆！足球邪起上嚟真係擋都擋唔住，執生……
「上周啲波累死唔少街坊，睇嚟下個禮拜都應該正常番，到時??實啱啱輸波嘅阿仙奴、車路士同皇馬隨時反底，話唔埋可以一鋪歸本！