好多人只可以共患難唔可以共富貴，不過此情形一定唔會響「食得妙」的明哥和Iris身上找到。「我同明哥87、88年左右相識，佢響鏞記學師，我覺得佢手勢好好㗎。到95年都係幫人打工做大廚。」兩公婆一齊捱，明哥打兩份工，Iris做文職，努力儲錢，開屬於自己嘅舖頭。
到終於有錢同朋友合夥做食肆，並不是事事順境，將軍澳店首三個月都蝕到入肉，第四個月先收支平衡，最後都同朋友拆夥，得番我哋繼續維持。明哥同Iris都話︰「捱得幾辛苦㗎，不過都慣喇！」做生意慢慢上軌道。𠵱家「食得妙」晚晚爆場，明哥負責廚房，Iris打點舖面大小事，忙到都無時閒，所以Iris都講句︰「𠵱家忙到一年都無一次旅行呀！」明哥，識做啦！
記者︰方綺君
紅燒大鮑翅$148/位
碗碗足二両翅，條條都有牙籤咁粗，翅身煮腍後用金華火腿和老雞煲成的上湯再煮一煮已經好香滑惹味。
柑桔蜜蝦球$88
用類似糖醋的做法，將汁醬換成柑桔蜜汁，鮮蝦球炸好後放柑桔蜜汁落鑊快炒，甜甜哋好開胃。
鮑魚腐皮卷$78
外表睇落似齋，其實有鮑魚、冬菇和臘味等，切成粒粒狀的材料好有嚼勁，而且味道濃又惹味。
食得妙（23836686）
地址︰九龍城福佬村道64號地下