周中連場盃賽，都係專注番比較熟悉嘅英格蘭聯賽盃為妙；呢個盃賽，係唔少二三線球隊搏命嘅場合，屈福特同愛華頓主場出擊，有決心贏波晉級。
紐卡素衰內訌
屈福特上仗聯賽贏米杜士堡，取得升班後首場勝利，過程亦好有說服力，翼鋒艾舒利楊格真係幾搶鏡，可能打多一兩季，佢都唔會再留喺呢啲球會仔。今次屈福特主場對紐卡素，立博開出個初盤，竟然係主隊讓平/半，真係辣；講真對一般球迷嚟講，紐卡素點秤都高過屈福特，屈仔何德何能讓波？
莊家開個咁嘅盤，真係有佢道理，紐卡素一向人腳唔差，不過就成日有內訌，上季初就成日輸波，迫走領隊桑拿士；今季睇嚟情況差唔多，球員都係想路達走人居多，主場都可以輸畀錫菲聯，今次再輸一啲唔奇。主隊讓平/半都唔使買，一於博2.3倍單W。
阿仙奴連拼聯賽同歐冠盃，上仗作客韋斯咸，下半場一啲睇頭都冇，而且雲格對聯賽盃一向抱可有可冇態度；愛華頓之前聯賽已經作客賽和阿仙奴，今次回師主場，更有信心。
謝利
立博亞洲區首席博彩顧問
電郵：[email protected]