年報係同小股東增進關係嘅重要渠道，所以版面設計好緊要。管理協會73年開始就搞年報比賽，今屆入圍嘅年報有115份，當中「藍籌股」11間，上市同公營機構夾埋有78間（前兩者合計屬「普通」類別）。
而非牟利和慈善團體就有26間，鬥吓企業管治、發展前景、可讀性等等係咪內容詳實，淺白易讀，最好十零歲細路都睇得明。
噚日舉行頒獎，喺「普通」類攞到金獎嘅係港交所、銀獎就地鐵同機管局瓜分、銅獎由大、小笨象同大酒店三分天下。非牟利類別嘅依次排名，就係證監會、積金局同金管局。壹傳媒亦攞到「優秀設計獎」，可喜可賀。
奪得優秀設計獎優勝獎嘅中電，大會更讚係典範。佢哋年報嘅封面好似幾米嘅畫，內頁非常colourful，文字用pointform好易睇，內文用語仲好親切，好似阿媽氹仔，耐心教到明為止，抵讚！