梁漢文（梁炳）噚日喺大學會堂為「健康快車」慈善舞蹈活動擔任表演嘉賓，今日係梁炳35歲牛一，佢話前晚已經同班朋友開派對慶祝，其中一個遊戲係抽「歡樂卡」，梁炳話：「我同咁多個朋友玩，都冇一個可以估中晒，到我女朋友（Karen）玩，我同佢講，如果佢估中所有牌，我就即刻娶佢，點知只係佢可以估中晒，真係整定，俾佢食住！」至於婚期，佢就話今年趕唔切，又話：「出年聽講都係好年。」