富咸上周六爆咗個小冷門，主場憑丹麥中場贊臣罰球省中人入網，搞掂咗愛華頓，擺脫季初頹勢，穩站中游位置，但係唔知應唔應該恭喜入波兼中「頭獎」嘅贊臣喇？事關贊臣「士哥」後無幾耐，即刻俾唔知邊度飛埋嚟嘅銀仔掟中，好彩痛一痛之後無甚大礙，但係富咸領隊高文就呼籲應該將搞事者拉去坐監！