經常捐錢畀內地同本港大學嘅大慈善家田家炳，一直好想搞好教育。港大副校長李焯芬同八方講，田生多年來不斷捐錢畀教育界，又捐錢喺內地起大學，但原來佢都希望可以提升自己鄉下私立大學嘅教師質素。李教授話，港大就決定聯同本港幾間大學，幫田生完成呢個心願。
李教授講，田家炳喺廣東嘅家鄉，只有一間私立大學，但係教師質素唔係太好，佢哋好多都未攞到博士學位。田生多年來捐錢畀八大同內地嘅學校，但係都未幫到自己家鄉嘅學校。李教授話，港大聯同其他幾間本港大學，已經決定幫番佢轉頭，每年以自願性質，免費安排兩位田生家鄉嘅大學教師嚟香港讀博士課程，為田生家鄉嘅教育事業出一分力！