真有其車：「迷你」雙層巨無霸　兩張吊床一張大床

真有其車：「迷你」雙層巨無霸　兩張吊床一張大床

作為一個MINI迷，幾乎咩MINI都見過，直至早前喺英國見過一架真係前所未見嘅加大碼MINI旅行車之後，我先發覺，原來MINI真係咩款都有㗎。

2.真皮椅保持得不知幾新淨，個軚盤大到好似揸巴士。

3.嗱，真係有上下格床㗎，逼逼哋可以瞓足四個人。

4.車尾有晒門有晒窗，簡直同間屋無咩分別。

5.架車咁長，塊倒後鏡唔伸出啲點睇得晒？

車廂有埋上下格床

你可以話佢外形唔再「迷你」，但的而且確佢係一架100%嘅MINI，唯一唔同嘅係佢車尾多咗個好似貨櫃咁嘅旅行屋唧。咪睇佢好似屋仔細細，但絕對五臟俱全，前座駕駛席有兩張真皮座椅，後面車屋仲厲害，上面兩張吊床，下面一張大床，足足可以瞓四個人，但係如果唔瞓嘅話，後座乘客咪要坐床？長途車辛苦啲喎。
記者、攝影：黃婉冰