「我係陳大文」
青山醫院的病人來自五湖四海，身份不容易確定，陳大文是精神科顧問醫生楊明康最記得的病人，「有露宿者突然喺街邊發作，執咗佢返嚟，佢係都話自己係陳大文，我哋同佢去咗幾次入境處，又對指模，又搞呢樣嗰樣，都話無呢個人，佢又無身份證，咁究竟佢係邊個啫？佢話自己係陳大文，你都無佢符㗎喎！」
尋找失蹤餐具
青山醫院從來都是利器止步，病人不可帶任何刀叉及各種餐具進入病房，以防情緒波動時傷害他人。部份精神狀態較好、康復進度理想的病人，可獲派到院內餐廳服務，每次完成工作後，餐廳職員會即時點算刀、叉及各種餐具的數目，一旦發現有餐具遺失，會即時關閉餐廳，務求找出失蹤餐具下落。
絕招──飛床單
青山醫院部門運作經理陳木光說，平日絕少動武，一旦有病人失控，首要清場，「因其他病人見到呢啲場面成日都想幫手，可能會起哄，刺激到個病人。」若仍未收效，就會出絕招，「成張床單飛埋去，人見唔到嘢就唔會四圍撞，我哋就一擁而上，幾個人㩒住佢喺地下就得。」他指職員多數接受過脫身法訓練，飛床單的場面愈來愈少見。
病人住足45年
青山醫院成立了45年，住院「年資」最長的病人住足45年，早由成人病房搬至老人病房；排行第二的病人也住了40多年，早前因情況好轉，轉到中途宿舍。病人因為住院時間太長，部份不願意重投社會。楊明康說：「病人同社會脫咗節，連輕鐵係咩都唔知，呢度都有呢度好嘅，喺度仲叫做有friend，去到院舍要重新識過，仲煩。」