搶花球無失手　姊妹轉妝日粉夜金

搶花球無失手　姊妹轉妝日粉夜金

今年適逢雙春兼閏月，婚嫁喜慶特別多，臨近年尾仲有更多準新人要衝刺。新婚主角當然要靚，但做姊妹都唔可以失禮人，分分鐘在婚禮遇上真命天子，接埋花球下一個就到你喇!但未必對對新人會為姊妹請埋化妝師，所以今次會教大家自己化成美艷姊妹。
記者：陳穎欣
攝影：伍慶泉
Hair&make-up:Doll
Model:Alice&Karen@Starazpeople
服裝提供：MyMemory

化姊妹妝前先排排坐傾吓，大家對這個妝嘅睇法係點先？
★Rover

「我諗一個自然妝容較吸引人，千萬唔好太colorful。」

★Twiggy

「未必要化㗎？好睇兄弟靚唔靚仔。要化就唔好用太閃。」

★Maggie

「化妝最緊要襯套衫，我就喜歡金妝配金裙喇！」

★Anita

「我會選擇粉色系列，粉紅、粉紫都唔錯。」

★Iris

「我只會拍少少粉同掃胭脂咋！日夜妝都差唔多啦！」

粉色日妝　自然咪搶鏡

做姊妹要化得靚但又唔能夠搶新娘子鏡的確有難度，所以日間去觀禮應以斯文自然妝容為主。想可愛，選用粉紅色和粉紫色嘅配搭就最穩陣，不過亦要視乎裙子選色，最好唔會和新娘子撞色搶鏡。仲有，切忌nude妝出席嚇親人!

前

1.上好粉底，眼窩塗粉紅色眼影。

2.以紫色眼影塗於雙眼皮位置。

3.於蘋果位掃上粉紅色胭脂。

4.塗上粉紅色lipgloss。

★Hair:

1.將頭髮分為上下兩部份，將上方頭髮梳至頭後方束成辮子。

2.再將辮子扭成鬆散髮髻並用髮夾固定位置。

3.把剩下的髮尾用少少mousse或wax隨意弄成一束束垂直髮絲，再用spray定型，造出飛散效果。

★妝物推介:

■Lola粉紅色眼影(PinkLemonade)$165

■Lola紫色眼影(LolaNight)$165

■Lola粉紅色胭脂(OneNightStand)$215

■粉紅色lipgloss(Pomegranate)$165

閃金晚妝忌smokyeyes

唔好以為新娘先要轉妝，姊妹如果換上今季最hit嘅金色晚裝，但面上依然掛住粉妝，效果係幾咁得人驚呢!晚宴時因用上射燈和黃燈，故化妝可以濃一點，可加重眼影、胭脂及加上閃粉，不過和諧喜慶場合下，盡量少化smokyeyes扮惡女。

前

1.上好粉底和碎粉，先用金色眼影於眼窩位打底。

2.再用酒紅色眼影塗在眼摺位，尤其着重眼尾位置。

3.於顴骨位斜掃上橙紅色胭脂。

4.塗上暗酒紅色lipgloss。

Tips:想顏色更出更搶，可上眼影粉後再掃上色澤較濃的眼影碎粉。

★Hair:

1.先將頭髮於頭後方束成辮子。將頭髮分成上、下兩部份。

2.用手指公頂着辮子中央，捲成兩個長形髮髻。

3.髮夾固定，把髮尾弄鬆，　再用spray定型即成。

★妝物推介:

■Smashbox四色眼影$280

■SmashboxTotallyFab唇采系列$290

■shuuemura橙紅色胭脂$165

轉妝實錄:

婚禮要跟出跟入一整日，就算朝早化到幾靚，下午溶晒都無用，而且晚宴時又會換上另一晚裝，妝容梗要配合，教埋你轉妝實錄，就日夜場同樣省鏡！

轉妝第一步:

奔波咗成日，皮膚亁到出面油，應先用面油紙吸走面油，再噴上保濕水。

轉妝第二步:

用兩用粉餅補妝最方便，再打shading同highlight更佳。

轉妝第三步:

日妝轉晚妝可用同一色系眼影較深顏色來加深眼部

Shoplist：

Lola 28335157
Shuuemura 31481022
Smashbox 31011080