鄭少秋與徐子珊前晚在紅館為「我們的世紀金曲演唱會」大跳辣身舞，其妻官晶華和愛女鄭欣宜均有往捧場，但二人同場卻沒打招呼。
送愛女飛吻
因母親沈殿霞已出院，欣宜心情輕鬆不少，全程看得非常投入，秋官還在台上送她飛吻，場面溫馨。有觀眾問到肥姐病情時，秋官在台上說：「呢啲問咗仲問？呢度唔講家事，咪暫亂歌柄。」
至秋官演唱《楚留香》時，官晶華才在無綫高層樂易玲陪伴由後台走出來欣賞表演，現場所見，欣宜全程沒與官晶華交談，反而有向長輩陳寶珠打招呼，看完父親壓軸演出後，她便立即返後台。
秋官在慶功宴上被問到官晶華和欣宜有否在後台打招呼時，他說：「梗係有，平時大家都有出嚟食飯，只不過佢哋唔鍾意俾你哋影到。」再問官晶華是否特意往監場？秋官說：「佢等於老闆睇夥計出去做嘢，我為佢搵錢，佢嚟監工。」
採訪：卓寶花
攝影：陳慧安
