車路士嘅加納中場艾辛喺球場一個打幾個都冇問題，但喺情場學人一腳踏兩船，結果搞到一鑊粥。早前傳媒踢爆佢有個曾經做高級應召女郎嘅女友，但原來正印係個叫羅拉達嘅模特兒。英國傳媒話現年26歲、擁有32E上圍嘅羅拉達睇到㷫過辣雞，即時同艾辛分手，仲周圍唱佢係愛情騙子，艾辛真係應有此報。