廖碧兒昨日穿低胸裙出席內衣騷，即時惹來大批拍友及商場阿伯圍住拍照，最後要以黑色披肩遮胸。上圍豐滿的廖碧兒透露胸圍最重視承托力，大會送上模特兒CaraG.示範的性感內衣，她謂只供家中小狗欣賞。
內衣品牌EmbryForm昨日在奧海城舉行秋冬內衣騷，由名模CaraG.及多位外籍模特兒穿上惹火內衣、透視印花睡裙等行騷，場面艷色無邊。
阿叔圍觀狂影
廖碧兒獲邀出任嘉賓，雖然她不是穿內衣行騷，但都交足貨以黑白低胸裙上陣，吸引大量攝影發燒友及男士圍觀狂影。廖碧兒在騷後接受訪問，她初期說：「大家熱情啫，唔緊要，都有工作人員。」不過後來沒有保安在場維持秩序，攝影發燒友愈企愈近，廖碧兒的助手即遞上黑色披肩給她遮胸，以免蝕底。
廖碧兒說：「做咗咁耐嘢都係全力以赴，不過近期多事發生，所以要緊張少少。頭先話要玩遊戲，我都有啲驚，以前喺內地試過有熱情fans將我扯落台，好彩後來得到保安打救，冇事。」
獲贈性感內衣
廖碧兒除獲活動酬金外，更獲大會送贈一件由CaraG.示範的性感內衣，問她豈非可以穿給男友看？她即說：「喺屋企着畀狗仔睇，仲可以喺屋企行埋時裝騷。」
問廖碧兒揀胸圍內衣的心得？她說：「最緊要有承托力，因為我成日跳舞，有support好啲，女仔腰背好易倦，若果可以支持埋條腰就仲好。有時會着T-back內褲打底，咁啲晚裝着得靚啲。」她又表示堅拒讓男性友人或男友陪伴買貼身用品。
採訪、攝影：EricLam
