車人合一：長期測試smartforfourBRABUS<br>Turbo一嚟　好似壯男加摩打腳

車人合一：長期測試smartforfourBRABUS
Turbo一嚟　好似壯男加摩打腳

辣車、跑格、速度感，所有字眼可以話跟smartforfour完全拉唔上關係。但自從德國改裝名牌「BRABUS」做過手腳之後，加Turbo、裝包圍、增馬力，以前充滿玩味嘅車仔，家陣已完完全全變成小辣跑。揸住佢出街，感覺就好似有班摩打腳壯男幫手一樣，話咁快就到。
記者：黃婉冰　攝影：伍慶泉　Model：Michelle、Ryan、Low

BRABUS裝身變小辣椒

不知是否smart想對各大車迷作最後一「激」，感謝大家多年來的支持（因為smartforfour將會停產），今次BRABUS改裝可謂落足本。全個車身大包圍、17吋合金胎軨、鑄有「BRABUS」Logo的波棍、腳踏、前後皮椅、錶板等，令本來帶點Cute味的車仔，搖身一變成為帶辣味的小跑車。足料加辣仲要自降身價到20萬有找，難怪代理話特別版一出已經賣個滿堂紅，而且家陣只賣剩兩架。

■真皮加Aluminium軚環，有晒凹凸防跣設計，好睇又好用。

車仔Look跑車Performance

好多人以為車廠就咁加套包圍，將車櫳布置成跑車格局叫做加辣。開頭我都以為係，但試過幾日之後，發覺今次BRABUS版forfour唔係得個樣，而係名副其實已經變成一架小跑車。試完之後再睇番個規格表，唔怪得知喇，用咗Turbo，馬力輸出177匹，放喺個又細又輕嘅車殼下面，夠用有凸。試咗幾個彎，可能因為懸掛調校過的關係，加上四條17吋胎軨，入彎感覺比以前實淨又穩。過彎雖然刺激，但避震始終較硬，當狂野過後，想要它回復平靜，慢慢享受平路帶來的速度感時，坐感始終沒有想像中舒服，還是略嫌帶顛簸的感覺。

■電鍍波箱、波棍頭，平時當Option計都唔平。

五座位設計四人坐最舒服

雖然叫「forfour」，但查實車廂可以坐足五個人，前二後三。但若然坐五個成年人的話，感覺未免有點逼，所以都係忠於「原著」，「forfour」舒服啲。其實揀得呢架，都預咗唔會經常性「fullloading」，反而最緊要係車廂空間夠實用，將後排座椅拍低，可用空間不俗。放貨或者載寵物都夠晒用，Fordog畀狗狗用都得。