美國「股神」畢菲特的投資旗艦巴郡（BerkshireHathaway），A股每股股價近期首次突破10萬美元（約77.8萬港元），而過去40年（由1965年至去年）的投資回報平均每年高達20%。有股民擔心，畢菲特一旦離職，會令巴郡股價受壓，但其他投資者則決定「揸長線釣大魚」。
網民brdsl話：「畢菲特年事已高，而巴郡副主席芒格（CharlesMunger）年紀可能更老；倘若兩人去世，巴郡股價勢將插水，到時再趁低吸納都未遲。」網友MillertheLarge亦有同感。他聲言會等巴郡股價跌到9萬美元以下才會入貨。
不過，網民gonegolfing則認為不宜過份看淡巴郡後市，因為畢菲特強調已有一套「接班人計劃」，即使他離職，集團業務亦應不會受影響。gonegolfing又話：「有分析員最近講過，巴郡股價現時偏低約兩成，我後悔當初點解唔買多啲巴郡股份。」
現價偏低約兩成
網友imnontrad大讚巴郡令他發達。佢話，佢阿媽喺大約20年前買入五股巴郡A股，當時每股作價只係5000美元，𠵱家已升到超過10萬美元，賬面賺20倍。如果現時放晒啲股票，可能要交好多資本增值稅，所以佢阿媽決定將巴郡股票留畀下一代，可以慳番啲稅。