劉心悠、李蘢怡和閰清等前晚出席時裝品牌breadnbutter於時代廣場舉行的時裝展，林嘉欣、徐濠縈和鄧麗欣等應邀到場欣賞。
劉心悠透露早前拍《軍雞》一場跳艷舞的戲份時，因為過於緊張，前後NG了四、五次。李蘢怡則對萬聖節派對跳舞時走光一事仍耿耿於懷，她說：「香港係咁㗎啦，焦點都唔係放喺表演度，我今日都加強咗保護措施。」
韓君婷怕累人
劉心悠昨日又出席福幼基金會在奧海城舉行的「2006年福幼慈善大纜盃」，擔任頒獎嘉賓，韓君婷、吳文忻、姚樂怡等同有到場，曾志偉則擔任主禮嘉賓。心悠見到眾人扯大纜，覺得好得意，於是自薦上陣，可惜最終一仆一碌，非常搞笑，事後她說：「嘩！真係好攰，不過好好玩。好多男仔好大隻，我覺得男仔大隻有安全感。」早前患厭食症現已好轉的韓君婷，今次只做模特兒幫手賣衫籌款，她說：「我唔玩喇！一定會輸，費事影響人啦。」
採訪：藍文浩、楊潔雯
攝影：陳志嵐、藍文浩
