一碗速遞湯可否充當一頓飯？身心營養顧問註冊營養師劉立儀說，只要熱量夠、營養均衡就可以。一般白領人士一餐午飯約需350至600卡路里，一碗300毫升的西芹糙米湯含430卡路里，湯料也有足夠碳水化合物、蛋白質及脂肪，不需吃多一個麵包已很足夠，「但你唔好以為自己食咗好少嘢，佢嘅碳水化合物已等於一碗飯。仲有，卡路里唔係愈少愈好，最緊要提供足夠能量。」
劉立儀提醒，一般湯水因為水份多，雖有即時飽足感，但很快會再肚餓；如因此而吃多一份下午茶，反而令飲食失去均衡，低GI飲食則能發揮更持久的飽足感。
中湯宜先隔油
劉立儀說，中湯方面，飲用前宜先隔去浮面的油，煲雞湯宜去掉雞皮，湯渣中的蔬菜可以吃多些。她最後教路，指理想的家居健康湯水是以紅蘿蔔、番茄、西芹、椰菜及瘦肉煲成的雜菜湯。
本報記者