早前電視台有個節目，講保險公司向合作嘅醫生診所施壓，要求唔好畀太貴嘅藥同醫療服務啲受保客戶，以減低醫療保險開支。日前宏利人壽副總裁兼首席財務總監韋大衛就同華華呻，做醫療保險並唔易做。
佢話過去幾年本港嘅醫療保險賠償，平均每年升一成，原因係除咗香港人口正在老化外，港人對健康情況愈嚟愈關心，而政府公共醫療服務又增加收費，睇政府醫生條隊又排到長長，都令到更多人買醫療保險。𠵱家醫療保險業務嘅毛利好微薄，只有單位數字，所謂羊毛出在羊身上，佢話明年醫療保費將相應調升。
佢又話，宏利開始喺內地推出醫療保險業務，但步伐較審慎，因為唔太清楚內地人嘅病況，他又笑言，驚客戶將份醫療保單供全村人分享，咁佢哋就大劑！