古代有廿四孝仔女，世界輪流轉，香港地𠵱家廿四孝老竇可能仲多。民主黨前主席楊森日前現身跑馬地禮頓山社區會堂，今次唔係示威，而係由南區屋企送個女嚟學繪畫，期間得閒冇事做，爭取時間攞本60年代美國名著《ToKillaMockingbird》翻睇。本書幾黃又有啲殘，森哥話以前睇過呢本書，𠵱家翻睇仲幾有味道，作者係已經唔喺度好耐嘅女作家HarperLee。
楊森話太太唔得閒，所以由佢送個女嚟，囡囡仲要學游水同彈琴，所以間唔中都要由佢接送，噚日個仔又話要去黃竹坑練足球，佢亦都要陪住去，不過佢已經冇揸車，車位都租埋畀人，所以送仔女嘅時候都係搭吓巴士之類，真係可憐天下父母心嘞。