當香港出現全球首宗人類感染禽流感個案，她告訴公眾「我日日都食雞」，但最終是港府要大舉殺雞控制疫情。當廣東省全民煲醋預防非典型肺炎之際，她懶得派員了解疫情，還說：「冇證據證明白醋可防止病毒」，不久沙士襲港。陳馮富珍處理疫情的「能耐」，教沙士苦主鄭志輝等人畢生難忘；他們現在只盼陳太別當選世界衞生組織總幹事，免令全球人類面臨另一場「人禍」。
踏着市民傷處而高升
「我梗係唔想佢當選，對佢完全冇信心！」沙士一役，令鄭志輝痛失16個月大的愛兒，事隔三年，他的傷痛仍未平復。他不滿當年陳馮富珍作為香港的衞生署署長，竟為內地隱瞞疫情。「佢哋點會唔知大陸嘅情況？如果早啲講出嚟，咪唔會有咁多人受感染囉！」
口說自己是小市民，無法干預世衞總幹事選舉的政治角力，但鄭志輝還是密切留意選情，「睇番𠵱家個走勢，佢贏唔到日本代表嘅，人哋經驗都好過佢啦！」三年前被誤診感染沙士的蔡先生（圖），如今正受骨枯問題困擾，下半生要以枴杖協助走路。他深感陳馮富珍的仕途，是踏着他們的傷處而高升，「𠵱家疫情過咗佢就去邀功，完全冇理過我哋呢班被犧牲嘅一群！」
記者 雷子樂