現時本港約有88,000人聽覺及言語能力出現不同程序障礙，立法會社會福利界議員張超雄指出，聾啞人士的賭風並不特別熾熱，但由於他們生活圈子窄，又缺乏娛樂，惡習容易互相傳染，希望警方及社會福利署不要將案件當成一般聚賭案處理，以免賭風在聾啞人士圈子蔓延。
張超雄說：「因為佢哋同人溝通有困難，主流社會有一定排斥，加上佢哋一般從事基層工作，例如包裝、清潔及文員等都幾悶吓，但佢哋嘅娛樂少，得五個專設嘅活動中心，所以有啲去咗賭都唔奇，最擔心係之後一個帶一個去賭。」
協助戒賭的工福問題賭徒復康中心總監潘仁智表示，案中有父親帶同只有9歲大的女兒到賭檔，對兒童有深遠影響：「佢會覺得賭係好正常嘅事，爸爸去賭都帶埋我，咁即係唔係錯事啦，結果大個有機會變成病態賭徒。」他又說，首次得悉有專門「做聾啞人士生意的賭檔」，可能本港賭風日漸熾熱。