很多女士都遇過被美容店職員hardsell（大力促銷）又難以婉拒的情況，一班網民在討論區訴苦，並交換擺脫店員「纏繞」的心得。
「親子王國」網友gogoblue表示：「我上次walkin去咗間普通美容院……諗住修吓眉，電眼睫毛同做普通護理，點知佢sale我最貴嘅plan，原價每次$7xx，試做價$298……佢一路做一路sale，sale我買10次療程，$5680就送呢樣送嗰樣……結果3個人係咁圍住我講……佢哋好有禮貌㗎喎……你係完全無機會發脾4（氣）。」
有網友大歎在某美容中心簽卡消費達82,000元，不知如何還款，網友丁丁即回應：「妳都係屬於耳仔軟，68蚊試做（美容護理），搞到𠵱家有條82,000蚊嘅數跟身，妳當買個教訓la。」另一名網友yau_grace說：「其實，每次做facial又好，經過counter又好，都要清楚自己的立場同需要，只要堅持，唔好貪心，無人可以屈到妳。」