由許冠文擔任主持的無綫節目《一擲千金》今晚播映第二集，節目除了300萬獎金夠吸引之外，26位手持不同號碼錢箱的「千金小姐」自然成為焦點之一。節目日前進行錄影時，一眾千金小姐被安排以tubetop襯短裙的性感打扮出現，甚具可觀性。
26位千金小姐的年齡介乎19至31歲，其中12人為落選港姐，當中不乏大家熟識的面孔，包括曾在《火舞黃沙》中飾演「兔唇女」的周家怡、「緋聞女王」殷櫻、曾演出多套劇集的落選港姐沈囗婷及《美女廚房》中的粥、粉、麵、飯、糖水等。其實美國原裝正版的《Dealornodeal》節目中，也同樣有26位美女模特兒，部份更因在節目中演出而迅速走紅。日前26位香港千金小姐接受訪問，大部份均表示若能走紅自然值得高興，不過她們都明白要在眾千金中突圍而出實非易事，大家只好拭目以待，看誰能成功跑出。 撰文：卓美娟
1龔茜彤（Cilla）
年齡：20歲
來頭：《美女廚房》美少女廚神
演出經驗：《美女廚房》、泳兒《你我她》MV、《Canon廣告雜誌》
有300萬獎金會做乜？「有300萬嘅話會即刻同屋企人去旅行，再買架開篷甲蟲車，其實我𠵱家連車牌都未有㗎，有架車開工都會舒服啲啦！」
2日伽（Yaka）
年齡：23歲
來頭：2006年落選港姐、第21期藝員訓練班
演出經驗：無
有300萬獎金會做乜？「首先會捐100萬畀奧比斯，其實身體有任何缺陷都會好辛苦，我覺得失明人士係好需要幫助嘅。另外就會同爸爸媽媽去歐洲旅行。」
3周家怡（Cat）
年齡：26歲
來頭：第12期藝員訓練班
演出經驗：《金枝慾孽》、《火舞黃沙》、《師奶兵團》、《刑事情報科》
有300萬獎金會做乜？「𠵱家同屋企住緊嗰層樓仲供緊，有300萬就即刻唔使供，仲可以再裝修過㖭！」
4謝珊珊（粥）
年齡：19歲
來頭：第20期藝員訓練班
演出經驗：《美女廚房》、《激優一族》、《東方之珠》
有300萬獎金會做乜？「我係基督徒，最想開一間基督徒cafe，裏面可以唱自己鍾意嘅歌，又可以同埋班朋友有個地方做吓話劇兼有盤生意。」
5謝兆韵（麵）
年齡：21歲
來頭：第20期藝員訓練班
演出經驗：《美女廚房》、《東方之珠》、《笑口常開》、《鳳凰四重奏》、《刑事情報科》、鄺祖德《紅日》MV、吳浩康《浮華亂世》MV
有300萬獎金會做乜？「換間大屋同父母一齊住，最好自己間房有埋衣帽間。」
6阮兒（Chloe）
年齡：19歲
來頭：2006年落選港姐、第21期藝員訓練班
演出經驗：無
有300萬獎金會做乜？「𠵱家喺香港住喺親戚屋企，媽咪就返咗荷蘭，所以有300萬最想喺香港買層樓，等媽咪返嚟都有地方住，再有錢剩就買架車，不過𠵱家連車牌都未有。」
7張莉莉（Lilly）
年齡：25歲
來頭：2005年落選港姐
演出經驗：無綫生活台《全城有味力》、《生活放送》
有300萬獎金會做乜？「同家人去旅行，去邊都冇所謂，最緊要係吃喝玩樂都唔使諗價錢，仲有買咗爸爸喺荷蘭嘅雜貨店，等佢有筆錢可以即刻退休，然後嚟香港陪我。」
8鐘禧文（Priscilla）
年齡：24歲
來頭：2002年落選港姐
演出經驗：《殘酷一叮》、《生活放送》、《週五綜藝館》、《肥田囍事》、《愛情全保》
有300萬獎金會做乜？「會將300萬送晒畀媽咪，因為佢花喺我身上嘅應該都已經遠遠超過300萬，證明我都幾大食同難養㗎！」
9殷櫻（Reyan）
年齡：25歲
來頭：第15期藝員訓練班
演出經驗：《女人唔易做》、《刑事情報科》、《東方之珠》
有300萬獎金會做乜？「捐10萬畀慈善機構，畀150萬媽咪。我本身對時裝都幾有興趣，會將剩番嘅錢開間時裝店，將興趣變成事業都幾開心㗎！」
10黃卓慧（粉）
年齡：22歲
來頭：第20期藝員訓練班
演出經驗：《美女廚房》、《志雲飯局》、《笑口常開》、《東方之珠》、《賭場風雲》
有300萬獎金會做乜？「做善事、去旅行、開一間cafe，可以有個自己嘅地方同朋友聚埋一齊。」
11沈可欣（Janice）
年齡：31歲
來頭：演藝學院（主修表演）畢業後，隨即加入TVB
演出經驗：《搜神傳》、《寫意人生》、《匯通天下》、《樓住有情人》、《女人唔易做》、舞台劇《愛情敏感地帶》（重演）、《NOEXIT》
有300萬獎金會做乜？「同媽咪去歐洲同絲綢之路旅行。」
12林佳蓉（Yung）
年齡：23歲
來頭：第2屆TVBCovergirl選舉、第17期藝員訓練班
演出經驗：《青出於藍》、《天涯俠醫》、《鳳舞香鑼》
有300萬獎金會做乜？「買間大啲嘅屋同媽咪、家姐同阿妹一齊住，最好每人都有一間房啦！」
13徐玟晴（Kimmi）
年齡：23歲
來頭：2006年落選港姐、第21期藝員訓練班
演出經驗：無
有300萬獎金會做乜？「同父母去歐洲旅行，因為未試過一家人去咁遠嘅地方，最遠都係一齊返過鄉下上海，剩餘啲錢會交畀媽咪處理。」
14岑潔儀（Zo）
年齡：19歲
來頭：《美女廚房》美少女廚神
演出經驗：李逸朗《愛上你的愛》MV，保誠保險、Neway、Smartone廣告、《Canon廣告雜誌》
有300萬獎金會做乜？「即刻去旅行，畀首期買樓。」
15李斯庭（ViVi）
年齡：19歲
來頭：2006年落選港姐、第21期藝員訓練班
演出經驗：曾在鳳凰衛視擔任寵物節目主持
有300萬獎金會做乜？「下個月3號就考車牌路試，梗係想買紅色嘅法拉利跑車。」
16李穎芝（Wendy）
年齡：20歲
來頭：2006年落選港姐
演出經驗：無
有300萬獎金會做乜？「同屋企人周圍去，過一個悠長假期。」
17陳敏芳（Rachel）
年齡：24歲
來頭：2006年落選港姐
演出經驗：無
有300萬獎金會做乜？「出年1月份會返中文大學繼續讀電子工程系四年班，最好讀完之後即刻有錢去美國再深造，讀書之餘可以體驗吓當地嘅生活。」
18陳丹丹（Queena）
年齡：24歲
來頭：第17期藝員訓練班
演出經驗：許冠傑演唱會負責拉二胡、《15、16》、《千謊百計》、《亂世佳人》、《東方之珠》
有300萬獎金會做乜？「我未諗啲錢有乜用途，會將啲錢交畀媽咪儲起，因為我最大嘅興趣係儲錢，有乜事都有錢傍身，咁先有安全感。」
19黃淑君（Ada）
年齡：25歲
來頭：第20期藝員訓練班
演出經驗：《15、16》、《高朋滿座》、《笑口常開》
有300萬獎金會做乜？「將100萬存入銀行、100萬去旅行、70萬讀書、20萬捐畀慈善團體、10萬購物。」
20孫慧雪（飯）
年齡：24歲
來頭：第20期藝員訓練班
演出經驗：《美女廚房》、《高朋滿座》、《世界盃2006》、《通天幹探》
有300萬獎金會做乜？「用100萬做善事、100萬畀屋企人、100萬自己開寵物店同去旅行。」
21曾愛媚（Amy）
年齡：23歲
來頭：2006年落選港姐
演出經驗：無
有300萬獎金會做乜？「開設Spa&HealthCentre，我本身好鍾意玩瑜伽同做運動，又鍾意幫人扮靚，自己開間就一舉兩得喇！」
22陳文靜（糖水）
年齡：23歲
來頭：TVB第二屆Covergirl冠軍
演出經驗：《美女廚房》、《金枝慾孽》、《愛情全保》、《人生馬戲團》、《鳳凰四重奏》、《世界盃2006》
有300萬獎金會做乜？「同屋企人環遊世界、畀首期買樓。」
23黃瑩（Cake）
年齡：22歲
來頭：2006年落選港姐
演出經驗：拍廣告
有300萬獎金會做乜？「我鍾意跳HipHop同Jazz，希望開間dancestudio，自己有個地方跳舞之餘，又可以賺錢，最好面積有幾千呎啦！」
24伍濼文（Ivy）
年齡：24歲
來頭：第15期藝員訓練班
演出經驗：《學警雄心》、《刑事情報科》、《凶城計》
有300萬獎金會做乜？「想去巴黎旅行，覺得嗰度好浪漫，仲有買層樓自己住，因為咁大個都未試過自己住，好想試吓。」
25曾瑞珊（Liz）
年齡：25歲
來頭：2006年落選港姐
演出經驗：無綫生活台《生活放送》
有300萬獎金會做乜？「想買間屋同父母住，再去日本放肆地掃貨。」
26沈囗婷（Winnie）
年齡：20歲
來頭：2004年落選港姐
演出經驗：《人生馬戲團》、《法證先鋒》、《識法代言人》、《鳳凰四重奏》、《愛情全保》、《師奶兵團》、《學警出更》
有300萬獎金會做乜？「會將300萬儲起先。」
