【本報訊】瑞銀證券港股策略員陸東昨表示，預測恒指明年見21700點，對個人而言「係一個比較保守的估計」。他認為現時到農曆新年（明年2月中）前，出現1000點左右的跌幅不足為奇，但純屬技術性調整，而未來帶動大市仍是每家公司的盈利。他強力推介滙控（005），12個月目標價165元。
有港股頭號大好友之稱的陸東解釋，「滙豐有孤兒仔的身份，本地人當佢外國銀行，但鬼佬又當佢係亞洲銀行，結果無人揀；不過滙豐有百年歷史同埋良好往績，加埋佢有最好的中國策略，在香港係No.1；就算佔佢盈利三分之一的美國業務跌70%，也只對總體盈利有6%的影響，故建議增持。」
另外，陸東亦看好長實（001）及新地（016），他明白很多人「買長實要驚和黃（013），因為電話打唔通。」但他認為「3G呢樣嘢雖然始終唔會賺大錢，但因為係公共事業，始終係會有微利，而只要止到血，和黃成個畫面就會清楚晒。」他估計和黃的3G業務可於明年中「止血」。
料和黃3G明年中止血
至於收租股，他唯一推介太古（019）；港交所（388）則認為現價過高，建議暫時等一等。陸東又對思捷（330）保持審慎的看法，因為利好消息已差不多全數反映。至於尚未知道能否成功易主的電訊盈科（008），「邊個做老闆都無分別，因為個行業較差。」故不建議投資者持有電訊股。