"Refertomeanywayyoulikeaslongasit'sreasonablypolite！"
「點叫我，隨你喜歡啦，只要算係有禮貌就得！」
電台烽煙有獎節目向來受聽眾歡迎，估唔到英國首相貝理雅都好此道！話說英國維珍電台有個名人烽煙比賽，前日貝理雅竟然打電話去參加。佢顯得好緊張，可能怕俾DJ玩啦，DJ問應該點稱呼佢，佢嗱嗱聲提醒慌忙叫人要有禮貌。不過佢連自己最喜歡嘅歌名都記錯，始終要出一下洋相。
呢個其實係慈善活動，由聽眾選出最啱聽嘅名人，電台就會捐一萬鎊畀呢位名人支持嘅慈善組織。
法新社