噚日維多利亞公園就認真熱鬧喇！無綫台慶劇《東方之珠》演員佘詩曼、郭晉安及康華等，齊齊參加「小母牛競步善行慈善比賽2006」。佘詩曼應大會安排去臨時搭建嘅帳幕換上紅色上衣，佢幾經查看之後先極速更衣，認真小心。玩二人三足遊戲時佘詩曼着咗高踭鞋，好彩有陳山聰同黎諾懿攙扶先冇跌倒，結果慘敗包尾。
安仔睇好阿佘
安仔話今年自己雖然冇份競逐台慶獎項，但認定心目中女主角為佘詩曼，佢話：「阿佘已經浸淫咗好多年，演技已得到肯定，希望佢攞獎。」另外康華噚日玩遊戲時就俯身洩春光，而一向鍾意跳舞嘅佢前晚去咗睇《舞出真我》首映，問佢會唔會買定性感晚裝出席台慶，佢話：「我會打扮得大方為主，今年台慶冇參加表演，年年有份，觀眾都睇厭啦。」
