今晚有皇馬同華倫西亞撐場，戲碼總算好過上周日；但好賭場次，都唔關呢兩支勁旅事。受讓嘅桑坦德，以及應該無乜人睇嘅直播場次，維拉利爾主場對貝廸斯開「細」，至係出擊精選項目。
畢爾包呢隊波有性格，多年來一直堅持只起用本土球員不特止，每季聯賽走勢都古古怪怪，一係就主場好叻，一係就作客威威。
畢爾包陰陽怪氣
暫時睇佢哋今季個beat，就正係作客掂，主場唔掂，所以今日主場迎戰牌面實力較被睇淡嘅桑坦德，都唔易食。桑坦德今季防線一「高」一「老」，身高逾兩米嘅塞爾維亞前鋒施積，以及效力拉科多年嘅靈活型球員梅里廸斯，產生嘅作用都幾大，今仗受讓已經覺得好筍，博埋冷W都得。
維貝戰，撞正同時間進行嘅英超聯倫敦打吡熱刺主場對車路士，相信有得揀，多數人都寧願睇後者。即使唔睇，都咪忘記落番注「細」。