在前晚播映的《15/16電視迷大挑戰》中，安德尊竟拿已故鬼才黃霑來開玩笑，叫其女兒黃宇詩打電話給父親，惹來網友狂轟，黃宇詩昨也坦言有點不開心。
網友徐君禮昨日在香港討論區中以「安德尊太過份，在今晚15/16兩度搵黃霑黎開玩笑」為標題開post，指安德尊在《15/16電視迷大挑戰》中叫黃宇詩致電其已故父親黃霑，結果惹來網友狂轟，直指他的行為過份，沒理會霑叔女兒感受及不尊重前輩等，該留言在短短大半日的點擊率已逾1,700次。
凌零發翻查片段，發現安德尊聯同黃宇詩玩問答遊戲時，曾多次提及霑叔。被問到劇集《巫山盟》插曲的歌名時，主持森美提議問林敏驄，但安德尊卻說：「呢啲後幾輩啦，問都問黃霑。」在旁的黃宇詩雖感無奈，但仍大方陪笑。
「打電話問霑叔」
之後主持問到蕭芳芳在哪個節目中塑造林亞珍角色時，提及芳芳姐有首歌叫《Hello！我係林亞珍》，黃宇詩即透露自己是芳芳姐fans，安德尊聞言立刻反駁說：「唔係，因為首歌係你老竇寫。真㗎，佢老竇講嘅，唔信可以打電話問佢。」黃宇詩聞言即扁嘴，並怒睥安德尊，安德尊才笑着道歉。
凌零發昨日致電黃宇詩問及此事，她說：「其實同安德尊拍檔主持《都市閒情》以嚟，佢份人一向係咁，我知佢好尊重我爸爸，所以我冇唔開心或者嬲佢。不過，我覺得喺遊戲節目咁講就唔係太適合，嗰一剎那都會有少少唔開心。」
對於被網友狂轟，安德尊昨在電話中說：「我係非常尊重霑叔，我同阿詩平日都有提住佢，佢係一個好鍾意開玩笑嘅人，我成日提住佢，係因為我哋唔覺得霑叔唔存在，霑叔永遠活喺我哋心目中。」
安德尊失言
網址： http://www9.discuss.com.hk/viewthread.php?tid=2678919&extra=page%3D3&page=
