看完市民心水，到底藝人心目中最佳男/女配角獎項得主是誰，兩者的口味又是否一致？
向海嵐：「最佳男配角我揀《鐵血保鏢》嘅黎耀祥，佢嘅角色好入戲，佢平時無論演古裝或時裝，喜劇或悲劇都好出色，至於最佳女配角我嘅心水係《鳳凰四重奏》嘅商天娥，佢係我一直好欣賞嘅前輩。」
陳豪：「最佳男配角方面，我睇好《火舞黃沙》嘅黃德斌，佢今次喺呢套劇入面嘅演技好有進步，演出又落力。最佳女配角就揀《鳳凰四重奏》嘅商天娥，佢一向好戲，扮乜似乜。」
廖碧兒：「我覺得周家怡喺《火舞黃沙》中嘅表現好出色，佢扮兔唇女好大犧牲，絕不簡單，我認為佢好值得攞最佳女配角。另外，同劇嘅黃德斌嘅演技明顯都好突出，佢又大晒健碩肌肉，好吸引。」