仲有一個禮拜，服務咗香港市民48年嘅中環天星碼頭，就會完成佢嘅歷史任務，湮沒喺新一期中環灣仔填海計劃之內。查實，呢個碼頭對我嚟講真係意義重大。由我細細個懂性以來第一次搭船過海，就係呢個天星碼頭；到中學讀書嗰陣同班Friend去玩，又係喺呢個碼頭搭船來回；到家陣出嚟做嘢，都鍾意揸架車去碼頭旁邊嗰個停車場，泊部車喺天台吹吓風，順便攬住個飯盒慢慢食，都幾Relax㗎！如果大家要影愛車同天星的合照，就一定要到碼頭停車場二樓喇！
中環天星碼頭雖然唔似舊尖沙嘴火車站鐘樓咁有咁耐歷史，但無輪喺港人定還是係遊客嘅心目中，佢都係中環地標。點解政府係都唔肯放過佢硬要令佢喺呢個世界上消失呢？不過，家陣先唔好理中環天星碼頭日後嘅命運會係點，倒不如趁佢仲有時間，喺尚餘嘅日子揸車去旁邊嘅停車場，等自己部愛驅跟新舊碼頭嘅鐘樓嚟一張大合照，免得日後後悔嘛！
記者、攝影：鄭達基