有「海鮮王」之稱嘅利物浦，近期表現非常對辦，已連贏3場。周中歐冠盃主場3:0輕取波爾多，已肯定晉身16強。
紅軍季初主場同作客嘅演出，直頭係判若兩隊：作客冇料到，英超至今仲未開齋，反而主場就4勝1和不敗，勝出率高達8成，上星期主場仲破埋維拉今季英超不敗之身。今場對手雷丁季初表現係唔錯，係3隊升班馬中最好嗰隊，可惜近期遇上地獄賽程，已經4連敗；喺聯賽盃作客3:4輸畀利記，事隔10日又再碰頭，利記喺聯賽盃只係以副選上陣，現時歐冠盃晉級，目標一定放番落英超。「紅軍」4場主場勝仗中，有3場係淨勝對手兩球，睇嚟今場都唔例外，可揀讓球主客和「主勝」。
亞琛「大」戰史特加
德甲升班馬亞琛近期有明顯滑落迹象，已連續3場未贏過！佢哋係支攻強守弱嘅球隊，9場聯賽已經開咗8場「大」。今仗對手史特加近況大勇，已連續8場不敗。不過佢哋同亞琛一樣，都係攻強守弱，9場聯賽開咗7場「大」，兩隊加埋18場有15場開「大」盤，今場再開「大」都好正路啫！
阿鵬
有線球彩台主持
電郵：[email protected]