演藝界七位代表包括林建岳（左）、洪祖星（中）、徐小明（右）、陳榮美、馮添枝、林小明同李國興，噚日去咗民政事務局遞交報名表，以影視界代表身份報名加入800個選舉委員會嘅其中10個席位，另外三名代表吳思遠、譚詠麟同利雅博則因事缺席。洪祖星話：「如果冇多一個人行出嚟話要報名，咁我哋10個就自動當選。」問佢哋有乜嘢政綱？洪祖星話：「希望政府推動電影，開拓內地市場。」