女士們最喜歡shopping買護膚品同化妝品，之不過當妳滿心歡喜諗住入貨時，總會有啲對眼生喺頭殼頂的化妝小姐，由頭scan到妳落腳，問一句就答半句，覺得妳混吉唔買嘢，一係就勁Hardsell，迫你買嘢，講句「等我睇吓先啦！」就即時閃開當你冇到。以上咁難堪嘅感受相信各姊妹都見慣不怪，呢個討論區就俾大家來大吐苦水，最多人投訴嘅地方係名牌雲集的Facess，當中的Nars、Mac、Chanel等就係黑點，好多人話嗰度啲Sales極冷淡、眼超超、黑面或嫌你阻住佢招呼大客仔，大陸遊客同香港人的待遇完全差天共地咁話喎。有人仲被Sales暗踩自己皮膚差，買乜用都冇效﹗如果大家真係嬲到震，大可以記低佢哋個名字、駐守邊度等，之後就搵經理或打電話投訴，或者搵番相熟嘅舖頭、Sales。各大品牌嘅Sales最好定期接受再培訓，學懂「以禮待人，一視同仁」嘅精神先係最重要的﹗
http://www6.discuss.com.hk/viewthread.php?tid=2645987&extra=page%3D5