「香港討論區」網友BVEsun最近張貼了一段《超不人道的日本壽司店》文章，時間雖然唔長，短短1日時間已經引來1,298次瀏覽同44個回應！
惹事爭端又係大家熟悉嘅YouTube，佢將一個類似日本電視節目的片段擺上網；內容是將一條活魚即席製成壽司，但得番條骨嘅魚，竟然仍能在魚缸內游泳！BVEsun話：「希望只係拍劇玩嘢，好在香港全部都空運過來，唔會玩埋啲咁唔人道嘅東東，超反感！仲俾人貼喺笑話區……不過咁食法係咪真係好味啲？」
其他網友反應都幾一面倒，除三幾個人讚歎廚師刀工厲害之外，大部份人都發出一片聲討之音，其中yan@yan@yan回應：「好賤格呀！食就食啦，做咩要咁啫！俾人哋好過啲都得啩！黐線㗎！」而網民himalayan話：「所以並不只大陸食貓狗殘忍……有如古代酷刑凌遲！」回憶冊：「食完都想嘔番出來啦！」
文：朱崇德
影片網址： http://www.youtube.com/watch?v=JlhhKGdvIJc
香港討論區網址： http://www7.discuss.com.hk/viewthread.php?tid=2660656&extra=page%3D1