本報日前在將軍澳街頭訪問近60位市民，看看他們心目中最佳男/女配角心水之選，結果以狂晒粗獷肌肉、主演《火舞黃沙》的黃德斌獲大比數支持，女配角則以《男人之苦》的康華及《鳳凰四重奏》的商天娥叮噹馬頭。
胡小姐：「男配角我揀黃德斌，佢做得幾好，又keep得咁fit，女配角就揀商天娥，佢做得好入戲。」
鄺先生：「男配角揀《滙通天下》嘅劉丹，我比較鍾意睇老戲骨演戲，女配角揀康華，佢本身都風騷，今次演正派角色都好順眼，做得唔錯。」
Kam：「男配角會揀黃德斌，佢喺《火舞黃沙》入面好帶動到氣氛，加上成日騷肌肉已經好出位，女配角都係周家怡，《火舞黃沙》個角色唔易做㗎，最慘成日整住個兔唇。」
Vicky：「男配角會揀《高朋滿座》嘅李思捷，覺得佢一向都有實力，女配角就揀《男人之苦》嘅康華，初時以為佢戲裏面角色係壞女人，點知唔係，同之前都有幾大轉變。」