情竇初開的男女對異性身體總有着無限幻想，一經身體接觸，更易激起種種遐想，不過，如果是男學生不小心碰到女教師身體，卻可能「有得震，冇得瞓」！
「上課嗰時老師經過我張枱……」網民JJKKSS日前在香港討論區透露，在課堂上不經意碰到了一位50多歲女教師的臀部，「跟住佢喺度望住我！啊~！點好？」
這件課堂上小插曲令網民JJKKSS感到憂心忡忡，網民cxzman更落井下石：「你死喇！印象分肯定扣晒啦！個miss可能唔好意思出聲所以算數，或者佢估你故意摸佢。」網友robinho_R10_R7亦稱：「平時分就扣梗㗎喇，除非你去搵佢saysorry！」只有網民jim2007安慰：「冇事嘅……等時間沖淡。」
「佢好似feel唔到咁」
不過，原來有不少網民都有類似經驗，網民qwertyupoi稱：「我都試過，嗰個miss仲要好惡，但係佢好似feel唔到咁。」另一位網民tied亦同樣試過與女教師有身體接觸，結果竟然是：「過咗冇幾耐佢就有咗，我懷疑我嗰隻係上帝之手。」