強吻官恩娜的狂迷昨在庭上承認非禮罪，官恩娜經理人FrancisChan昨回應說：「判決仲未出，唔方便作評論。不過，我哋都好多謝法官同警方咁嚴肅處理今次案件，聽到嗰位小朋友認咗罪，即係證明佢好有悔意，我哋都覺得好欣慰，希望今次事件畀到警惕小朋友，將來唔好再有藝人受害。」
歌手陳慧琳昨日聽到被告承認非禮的消息，在電話中回應說：「咁都好，因為被告肯自己認罪，證明佢肯承認自己過錯，希望佢呢次之後唔好再犯，要真正改過自新。」
楊思琦：應心理輔導
無綫藝人楊思琦認為被告肯主動認錯，證明他有悔改之意，她看報獲悉他只得24歲，年紀還輕，如果因為這次犯事影響大好前途便十分可惜，她說：「希望佢接受判決後就唔好再犯錯，我覺得佢都應該接受心理輔導。」
藝人李彩華指男被告當日犯案時，其實有不少記者在現場拍下整個過程，所以他不能抵賴，她說：「佢之前仲死口唔認，呢啲嘢邊可以抵賴，佢做錯咗嘢唔認係咪男人嚟？𠵱家咪不認不認還需認囉，希望個官會從輕發落，畀機會佢改過！」
落選港姐徐淑敏都非常贊成做錯事要勇於承認，她昨日在電話中說：「佢肯喺法官前認錯，未嘗唔係一件好事，但佢一定要有改過嘅心，真正將自己嘅過錯更正，唔可以再重蹈覆轍。」
記者：王麗春
